સુરત જિલ્લાના માંડવી નગર ખાતે આવેલ પટેલ રેસ્ટોરન્ટની બાજુમાં આવેલ ગેરેજમાં મુકેલ ઇકો કાર અને માંડવીના પુના ગામના આશ્રમ ફળિયા માંથી અજાણ્યા તસ્કર બાઈકની ચોરી કરી જતાં ચકચાર મચી ગઈ છે. બનાવ અંગે પોલીસે તપાસ હાથ ધરી.

 

 

 

 

 

સુત્રો પાસેથી મળતી માહિતી અનુસાર, માંડવી નગર ખાતે આઈસ ફેક્ટરીની સામે નવરંગ શેરીમાં રહેતા જયેશભાઇ ગોવિંદભાઇ વસાવા કે જે ચાની લારી ચલાવી ગુજરાન ચલાવે છે. તેઓ માંડવીમાં પટેલ રેસ્ટોરન્ટની સામે જયેશ ટી સેન્ટર નામની દુકાન ચલાવે છે. તેમને પોતાની ઇકો કાર નંબર જીજે/19/બીએ3032 રાત્રિના સમયે પટેલ રેસ્ટોરન્ટની બાજુમાં આવેલ સુરત ઓટો ગેરેજના પતરાના શેડમાં કાર પાર્ક કરી ઘરે ગયા હતા અને વહેલી સવારે 5 વાગ્યાની આસપાસ દુકાને આવી જોતાં કાર જોવા મળી ન હતી જેથી કોઈ અજાણ્યા તસ્કર કારની ચોરી કરી ગયા હતા.

 

 

 

 

 

જયારે બીજા બનાવમાં માંડવી તાલુકાનાં પુના ગામ રહેતા હર્ષકુમાર બળવંતભાઈ ચૌધરી કે જે બારડોલી કોલેજમાં ટી.વાય.બી. કોમમાં અભ્યાસ કરે છે અને તે કેટીએમ મોપેડ બાઇક નંબર જીજે/19/બીબી/9092 નો ઉપયોગ કરે છે અને રાત્રિના 9 વાગ્યાની આસપાસ તેને બાઇક ઘરના આંગણામાં પાર્ક કરી હતી. ત્યારબાદ વહેલી સવારે ઉઠીને જોતાં ઘરના આંગણામાં બાઇક જોવા મળી ન હતી જેથી તેને આસપાસના વિસ્તારમાં તપાસ કરતાં કોઈ ભાળ મળી ન હતી જેથી કોઈ અજાણ્યા બાઇકની ચોરી કરી ભાગી ગયા હતા. આમ, માંડવી પોલીસે કાર ચોરી અને બાઈક ચોરીનો ગુનો નોંધી આગળની વધુ તપાસ હાથ ધરી હતી.