સુરતનાં માંડવી તાલુકાનાં ઉમરસાડી ગામમાં રહેતા ૩૬ વર્ષીય વિપુલભાઈ બાબુભાઈ ચૌધરીએ બીમારીથી કંટાળી પોતાના ઘરમાં ગળે ફાંસો ખાઈ આપઘાતનો પ્રયાસ કર્યો હતો. જોકે તેના પિતા બાબુભાઈએ સમયસર જોઈ જતા તેને બચાવી લીધો હતો. સુત્રો પાસેથી મળતી માહિતી મુજબ, વિપુલ ચૌધરી છેલ્લા એક મહિનાથી ગળાની બીમારીથી પીડાતો હતો અને બોલી શકતો ન હતો. આ બીમારીથી કંટાળીને તેણે આ પગલું ભર્યું હતું. હાલ તેની બારડોલીની સરદાર સ્મારક હોસ્પિટલમાં સારવાર ચાલી રહી હતી અને પોલીસે જાણવા જોગ ફરિયાદ નોંધી તપાસ શરૂ કરી હતી.