સુરત જિલ્લાનાં કામરેજ ગામ ખાતે ૪૫ વર્ષીય શખ્સનું ખેંચ આવવાનાં પગલે જેમનું મોત થયું હતું. મળતી માહિતી મુજબ, કામરેજ ગામ ખાતે ભૈરવ કોલોનીમાં રહેતા ૪૫ વર્ષીય રમેશભાઈ અર્જુનભાઈ યાદવ પોતાનાં ઘરનાં ઓટલા પર ઉભા હતા. જે દરમ્યાન રમેશભાઈને અચાનક ખેંચ આવી જતા તેઓ બેભાન થઈને નીચે પડી ગયા હતા. રમેશભાઈને સારવાર અર્થે નજીકની હોસ્પિટલમાં ખસેડવામાં આવ્યા હતા. જ્યાં ફરજ પરનાં ડોક્ટરોએ તેમને મૃત ઘોષીત કર્યા હતા. બનાવ અંગે કામરેજ પોલીસ મથકે જાણ કરાતા પોલીસે અકસ્માતનો ગુનો નોંધી આગળની તપાસ હાથ ધરી હતી.