સુરતનાં કામરેજનાં નવીપારડી હાઈવે પર અજાણ્યા વાહન ચાલકે રસ્તો ક્રોસ કરી રહેલા ઇસમને અડફેટે લેતા તેનું ગંભીર ઈજાથી મોત નીપજયું હતું. મળતી માહિતી મુજબ, સત્યવીર મહેન્દ્રસિંગ (ઉ.વ.૪૧,રહે. તાર્ડેદેવ મુંબઈ સેન્ટ્રલ, મહારાષ્ટ્ર) કામરેજના નવીપારડી ગામની સીમમાંથી પસાર થતા મુંબઇથી અમદાવાદથી જતા નેશનલ હાઈવે નંબર ૪૮ પર બેંક ઓફ બરોડાની સામેનો રસ્તો ક્રોસ કરી રહ્યા હતા. ત્યારે પુરઝડપે આવી રહેલ અજાણ્યો વાહન ચાલક સત્યવીરને અડફેટે લઇ ફરાર થઈ ગયો હતો. સત્યવીરને ગંભીર ઈજાઓ પહોંચતા તેનું ઘટના સ્થળે મોત થયું હતું. બનાવ અંગે કામરેજ પોલીસે કસૂરવાર અજાણ્યા વાહન ચાલક વિરુદ્ધ ગુનો નોંધી આગળની કાર્યવાહી હાથ ધરી હતી.