ડાંગ જિલ્લાના આહવા તાલુકાના સેન્દ્રી આંબા ગામે રહેતા દિલીપભાઈ સોનિરાવભાઈ ગાંગોર્ડા (ઉ.વ.૪૨) પોતાનું બળદગાડુ લઈ ગામમાં રહેતા માહદુભાઈના ખેતરમાં લાકડા ભરવા ગયા હતાં અને લાકડા ભરી રાત્રે ઘરે આવી રહ્યા હતા તે દરમ્યાન સીવનીની માળી નામે ઓળખાતી જગ્યાએ બળદગાડુ લાકડાના વજનથી તુટી જવાથી બળદગાડુ તથા ગાડામાં ભરેલા લાકડા નીચે દીલીપભાઈ દબાઈ જતા તેમને ગંભીર ઈજા થઈ હતી. જેથી તેમને ૧૦૮માં રાત્રે આહવા સિવિલમાં સારવાર માટે લઈ ગયા હતાં. જ્યાં બીજા દિવસે મળસ્કે તેમનું સારવાર દરમિયાન મોત નિપજ્યું હતું.