મદ્રાસ હાઈકોર્ટે તમિલનાડુનાં મંદિરોમાં મોબાઈલ ફોન પર પ્રતિબંધ લગાવી દીધો છે. કોર્ટે કહ્યું કે, મંદિરોમાં મોબાઈલ ફોનનાં ઉપયોગ પર પ્રતિબંધનું પગલું પૂજા સ્થાનોની પવિત્રતા જાળવવા માટે છે. લોકોને અસુવિધાથી બચાવવા માટે કોર્ટે કહ્યું કે, મંદિરોમાં ફોન ડિપોઝિટ લોકર સ્થાપિત કરવા જોઈએ. આ આદેશનું અનુપાલન સુનિશ્ચિત કરવા માટે સુરક્ષા કર્મીઓની નિયુક્તિ પણ કરવામાં આવશે. કોર્ટે એમ પણ કહ્યું કે, આ આદેશનું યોગ્ય રીતે પાલન થાય તે સુનિશ્ચિત કરવા માટે સુરક્ષા કર્મચારીઓની પણ નિમણૂક કરવામાં આવશે. મદ્રાસ હાઈકોર્ટની મદુરાઈ બેંચે હિંદુ રિલીજિયસ અને ચેરિટેબલ એન્ડોમેન્ટ ડિપાર્ટમેન્ટને આ આદેશનો અમલ કરવાનો નિર્દેશ આપ્યો છે.

આ સંદર્ભમાં થૂથુકુડીમાં તિરુચેન્દુરના શ્રી સુબ્રમણિયા સ્વામી મંદિરના એમ.સીતારામન દ્વારા જાહેર હિતની અરજી દાખલ કરવામાં આવી હતી. પોતાની અરજીમાં તેમણે મંદિરોની અંદર મોબાઈલના ઉપયોગ પર પ્રતિબંધ મૂકવાની માંગ કરી હતી જેથી કરીને ભક્તો મંદિરોમાં તસવીરો ન ખેંચે અને વીડિયોગ્રાફી ન કરે. તેમણે કહ્યું કે, તે નિયમો વિરુદ્ધ છે અને મંદિરની સુરક્ષા સાથે ખિલવાડ છે. સીતારમને કહ્યું કે, દર્શન માટે આવતી મહિલાઓની પરવાનગી વગર તેમની તસવીરો ખેંચવામાં આવી રહી છે જેનો દુરુપયોગ થઈ શકે છે.

અરજદારે જણાવ્યું હતું કે, ધાર્મિક પવિત્રતા અને સુરક્ષાને ધ્યાનમાં રાખીને, મદુરાઈમાં મીનાક્ષી સુંદરેશ્વર મંદિરે મોબાઈલ પર પ્રતિબંધ જેવા નિયંત્રણો લાગુ કર્યા છે અને મંદિર પરિસરની બહાર સેલફોન રાખવા માટે લોકર રૂમ બનાવવામાં આવ્યો છે જેથી ભક્તો તેમના ફોન તેમાં રાખી શકે. સુરક્ષિત રાખી શકાય છે. જસ્ટિસ આર મહાદેવન અને જે.જે. સત્ય નારાયણ પ્રસાદે કહ્યું કે, મંદિરોની અંદર મોબાઈલના ઉપયોગ પર પ્રતિબંધ મૂકવા માટે કડક પગલાં ભરવા પડશે જેથી કરીને શ્રદ્ધાળુઓની સુરક્ષા સુનિશ્ચિત કરી શકાય અને મંદિરની પવિત્રતા જાળવી શકાય.