અમદાવાદનાં નારોલ સર્કલ પાસેથી રૂપિયા 5.30 લાખનાં 53 ગ્રામ એમ.ડી. ડ્રગ્સ સાથે શખ્સ ઝડપાયો હતો. પોલીસને થાપ આપીને ડ્રગ્સ સપ્લાય કરનારો મધ્યપ્રદેશનો આરોપી નાસી ગયો હતો. પકડાયેલો યુવક તેની પાસેથી ખરીદી કરીને અમદાવાદમાં પડીકીયો બનાવીને છૂટક વેચાણ કરતો હતો. એસ.ઓ.જી. ક્રાઇમ પોલીસે શખ્સની ધરપકડ કરીને ફરાર આરોપીની શોધખોળ હાથ ધરી હતી. સુત્રો પાસેથી મળતી માહિતી મુજબ, એસ.ઓ.જી.ની ટીમે ચોક્કસ બાતમી આધારે નારોલ સર્કલ પાસે મધરાતે વોચ ગોઠવી હતી અને ત્યા આવેલા શિવ એસ્ટેટની પાછળ શખ્સ એમ.ડી. ડ્રગ્સનું છૂટક વેચાણ કરી રહ્યો હોવાનું જાણવા મળ્યું હતું. જેથી પોલીસે બાતમીના આધારે દરોડો પાડીને શંકાસ્પદ શખ્સને ઝડપી પાડીને તેની પૂછપરછ કરતા તે મધ્યપ્રદેશના રતલામનો વતની ગજનફર ઉર્ફે શાલુ વાહીદઅલી ખાન (ઉ.વ.31) અને હાલ નારોલ પાસે રહેતો હોવાનું જણાવ્યું હતું.