ચીખલી તાલુકાના બામણવાડા ગામના મંદિર ફળિયામાં રહેતા ૪૨ વર્ષીય ભાણાભાઈ હળપતિની પ્રેમિકા તેજલબેન રિસાઈને જતી રહેતા તેણે ગળે ફાંસો ખાઈ જીવન ટૂંકાવી લેતા પોલીસે અકસ્માત મોતનો ગુનો નોધી કાયદેસરની કાર્યવાહી હાથ ધરી હતી.

ચીખલી પોલીસ મથકેથી પ્રાપ્ત માહિતી અનુસાર ચીખલી તાલુકાના બામણવાડા મંદિર ફળીયા ખાતે રહેતા વિનોદ ભાણાભાઈ હળપતિને છેલ્લા દશેક વર્ષથી તેજલબેન (રહે.વાંદરવેલા, તા.ચીખલી) સાથે પ્રેમ સબંધ હતો. જ્યારે તેજલબેન છેલ્લા ૨૦ દિવસથી રિસાઈને પોતાના ઘરે જતી રહેતા જે વાતનું ખોટું લાગી આવતા ઘરના લાકડાના મોભ સાથે નાયલોનની દોરી બાંધી ગળે ફાંસો ખાધો હતો. બનાવ અંગેની ફરિયાદ મરનારની માતા સવિતાબેન ભાણાભાઈ હળપતિ (રહે.બામણવાડા, મંદિર ફળીયા, તા.ચીખલી)એ કરતા વધુ તપાસ હાથ ધરી હતી.