સોનગઢના જામણકુવા-ખાંજર ગામના માર્ગ પરથી મોપેડ પર લઇ જવાતો ઈંગ્લીશદારૂનો જથ્થો ઝડપી પાડવામાં આવ્યો છે, જોકે મોપેડ ચાલક નાશી છુટ્યો હતો.

મળતી માહિતી મુજબ સોનગઢ પોલીસ સ્ટાફના માણસોને મળેલ બાતમીના આધારે સોનગઢના જામણકુવા-ખાંજર ગામના માર્ગ પરથી ચોકડી પાસેથી એક એકટીવા મોપેડ ગાડી નંબર જીજે/૨૬/એસી/૨૧૮૧ ને પીછો કર્યો હતો,જોકે મોપેડ ચાલકે અંધારાનો લાભ લઇ મોપેડ મૂકી નાશી છુટ્યો હતો, સ્થળ પર પહોંચેલી પોલીસે તપાસ કરતા એક પ્લાસ્ટિકના કોથળામાં તથા મોપેડ ગાડીના સીટ નીચેથી તેમજ ડીકીમાંથી ભારતીય બનાવટનો ઈંગ્લીશ દારૂની કુલ બાટલીઓ નંગ ૨૪૦ જેની કિંમત રૂપિયા ૧૨,૦૦૦/-નો પ્રોહી મુદ્દામાલ મળી આવ્યો હતો, આ બનાવમાં સોનગઢ પોલીસ દ્વારા ઈંગ્લીશ દારૂ મોપેડ ગાડી મળી કુલ રૂપિયા ૪૨,૦૦૦/-નો મુદ્દામાલ ક્બ્જે કર્યો હતો.