મનિષા એસ. સુર્યવંશી/વ્યારા : ડોલવણ તાલુકાનાં ઉમરવાવદૂર ગામનાં બંગલી ફળિયામાંથી એક મહિલાનાં ઘરે પોલીસ રેઈડ કરતા દારૂની બોટલો મળી આવી હતી. બનાવ અંગે હાજર ના રહેનાર મહિલા વિરુદ્ધ કાર્યવાહી હાથ ધરી હતી.

મળતી માહિતી મુજબ, ડોલવણ પોલીસ સ્ટાફના માણસો રવિવારના રોજ ખાનગી વાહનમાં બેસી ડોલવણ ટાઉન બીટ વિસ્તારમાં પ્રોહી. રેડમાં નીકળેલ હતા. તે દરમિયાન ફરતા ફરતા ઉમરવાવદૂર ગામનાં બંગલી ફળિયામાં આવતા ખાનગી રાહે બાદમી મળી હતી કે, એક મહિલા કપિલાબેન મનુભાઈ ગામીત નાઓ પોતાના ઘરે વગર પાસ પરમીટે ઈંગ્લીશ દારૂનું વેચાણ કરે છે. જે બાતમીનાં આધારે પોલીસ સ્ટાફનાં માણસો બાતમીવાળી જગ્યા પર જઈ રેડ કરતા ત્યાં કોઈ હાજર નહિ મળી આવતાં અને ઘર ખુલ્લું જોવા મળ્યું હતું જેથી પોલીસ સ્ટાફના માણસોએ ઘરમાં તથા ઘરની આજુબાજુ તપાસ કરતા ઘરની પાછળની પજારીમાં એક કાપડની થેલીમાં ઈંગ્લીશ દારૂની બોટલો મળી આવી હતી. બનાવ અંગે પોલીસ કર્મચારી કમલેશભાઈ ચૌધરીની ફરિયાદનાં આધારે ઘરે હાજર નહિ રહેનાર મહિલા વિરુદ્ધ ગુનો નોંધી કાર્યવાહી હાથ ધરવામાં આવી હતી.