નવસારીનાં વાંસદા તાલુકાનાં રૂપવેલ ગામના રાયાવાડી ફળિયામાં રહેતા ચેતનભાઈ રમેશભાઈ પટેલ ગત તારીખ ૧૭ નાંરોજ વહેલી સવારે મહાદેવના મંદિર પાસેથી પસાર થઈ રહ્યા હતાં ત્યારે દીપડાએ તેમની ઉપર હુમલો કર્યો હતો.

તે સમયે સંજોગ વસાત તેમને ગંભીર ઈજા થઈ ન હતી. પરંતુ પ્રાથમિક સારવાર માટે હોસ્પિટલ લઈ જવાયા હતાં. જ્યાં તેમને સારવાર આપવામાં આવી હતી. કેટલાક સમયથી વાંસદા પંથકમાં દીપડાની દહેશત ખૂબ વધી ગઈ છે. આ અગાઉ પણ ઉપસળ તેમજ મોટીવાલઝર ગામે નાની બાળકી ઉપર હુમલો કરવાની ઘટના સામે આવી હતી. ત્યારે આ વખતે થયેલા હુમલામાં પુખ્તવયના માણસ ઉપર દીપડાએ હુમલો કર્યો હતો. વન વિભાગને જાણ કરવામાં આવતા તુરંત પાંજરું મુકવામાં આવ્યું હતું. તેમજ આજુબાજુના લોકોને હિંસક પશુઓથી સાવચેત રહેવા પણ વન વિભાગ દ્વારા જણાવવામાં આવ્યું હતું