કુકરમુંડા તાલુકાનાં મટાવલ ગ્રુપ ગ્રામ પંચાયતમાં સમાવિષ્ટ બોર્ડર વિસ્તારમાં આવેલા આમોદા તર્ફે તલોદા ગામમાં સાંજે ખેતરડી વિસ્તારનાં ઝાડી-ઝાંખરામાંથી આવેલા દીપડાએ ઘરની બહાર રમતા સંજયભાઈ કાલુસિંગભાઇ ચૌધરીના ચાર વર્ષનાં બાળક તક્ષ પર હુમલો કર્યો હતો. માથાનાં ભાગે અને ડાબી તરફ ગાલ પર પંજાથી ઘા કરી દીપડો ખેતરમાં પલાયન થઈ ગયો હતો. દરમિયાન આસપાસથી લોકો દોડી આવ્યા હતા અને ઈજાગ્રસ્ત થયેલા બાળક તક્ષ ચૌધરીને મહારાષ્ટ્રથી નંદુરબાર સિવિલ હોસ્પિટલમાં દાખલ કર્યો હતો. ત્યારબાદ મહિલા સરપંચ ભારતી નાઈકે ઉચ્છલ ટાવલી રેન્જમાં લેખિત રજુઆત કરી ગામની સીમમાં પાંજરું મુકવાની માંગ કરી હતી. વન વિભાગે તાત્કાલિક ગામની સીમમાં પાંજરૂ ગોઠવ્યું હતું. આમ, ગામની આસપાસ એકથી વધુ દીપડાનો વાસ હોવાનું લોકો જણાવી રહ્યા છે તેમજ દીપડાને લઈ ગામ લોકોમાં ભય મહોલ પણ જોવા મળી રહ્યો છે.