ઉચ્છલ તાલુકાના નારણપુર ગામની સીમમાંથી વહેતી નેસૂ નદીમાં બારેમાસ થઇ રહેલ રેતીખનનથી દરરોજ લાખો રૂપિયાની રોયલ્ટી ચોરી થઇ રહી હોવાની ફરિયાદ ઉઠવા પામી છે. 

 

રેતી ઉલેચનારાઓ દ્ધારા ખનિજ સંપત્તિ પર છડેઆમ તરાપ મારતા હોય તેમ લોકોના હિતને પણ ધ્યાનમાં લીધા વિના નદીનો એકમાત્ર વર્ષો જૂનો નેસુ પુલના પાયાને લગોલગથી રેતી ઉલેચવામાં આવી રહી છે.

 

જો પુલની નજીકથી રેતી ઉલેચાઇ જશે તો ભવિષ્યમાં પુલના પાયા નબળા થવાથી ખતરાના મંડાણ થઇ શકે છે. નદી પરના પુલ પરથી સીધા મહારાષ્ટ્ર, મધ્યપ્રદેશ અને ગુજરાતના વાહનોની ધણધણાટી સતત રહે છે, અતિ ઉપયોગી પુલને ધ્વસ્ત કરવાના ઇરાદાપૂર્વક જેના પાયા નજીકથી રેતી બેરોકટોક ઉલેચાઇ રહી છે,

 

પુલની નજીક જ મોટી નવડીઓ ફરતા નજરે પડી રહી છે. પુલ નબળો થવાથી ધરાશયી થાય તો મોટી જાનહાનિ થવાની સંભાવનાને નકારી શકાય તેમ નથી.

 

જોકે આ બાબતે સંબંધિત વિભાગના અધિકારીઓ ખૂબ સારી રીતે વાકેફ હોવાછતાં કઈ નક્કર કાર્યવાહી કરવામાં આવતી નથી. તે એક ચર્ચાનો વિષય બન્યો છે,ત્યારે જિલ્લા કલેકટર શ્રી આ બાબતને ગંભીરતા લઈ સ્થળ તપાસના  આદેશ આપે તે જરૂરી બન્યુ છે.

તસ્વીરમાં આપ જોઈ શકો  છો બે રોકટોક હાલમાં પણ કઈ રીતે રેતી ખનન કરવામાં આવી રહ્યું છે..