ઉત્તરાખંડમાં ફરી એકવાર પહાડમાં તિરાડ પડી છે, જેના કારણે આજરોજ મોટી દુર્ઘટના થઈ છે. જેમાં ચમોલી જિલ્લાનાં થરાલી ખાતે ત્રણ મકાનો ભૂસ્ખલનથી અથડાઈ હતી, જેમાં ચાર લોકોનાં મોત થયા હતા અને એક ઘાયલ થયો હતો. જયારે અધિકારી દ્વારા આ માહિતી આપવામાં આવી છે. આ ઘટના અંગે થરાલીના ઉપકલેક્ટર રવિન્દ્ર સિંહ જુવાથાએ જણાવ્યું હતું કે, અકસ્માતની માહિતી મળતાની સાથે જ પોલીસ અને સ્ટેટ ડિઝાસ્ટર રિસ્પોન્સ ફોર્સ (SDRF)ની ટીમોને ઘટના સ્થળે મોકલવામાં આવી છે. હાલમાં, વિગતવાર માહિતીની રાહ જોવાઈ રહી છે. જોકે ગયા મહિને હિમાચલ પ્રદેશનાં સિરમૌર જિલ્લામાં ભૂસ્ખલનની ઘટના સામે આવી હતી. ભૂસ્ખલનને પગલે મકાન ધરાશાયી થતાં ત્રણ સગીર સહિત એક પરિવારના ચાર સભ્યોના મોત થયા હતા. તેઓ ઘરની અંદર સૂતા હતા ત્યારે આ ઘટના બની હતી.