ડોલવણના ગડત ગામની સીમમાંથી પસાર થતા હાઈવે રોડની બાજુમાં આવેલ શ્રીજી જનરલ સ્ટોર પાસે કોઈ માતા ત્રણ દિવસના નવજાત શિશુ (બાળક)ને ત્યજી જતી રહી હતી.જોકે સમગ્ર મામલે ડોલવણ પોલીસ દ્વારા બાળકીને ત્યજી દેનાર અજાણી વ્યક્તિ સામે ગુનો દાખલ કરીને તપાસ શરૂ કરવામાં આવી છે.

તાપી જિલ્લા માહિતી વિભાગ દ્વારા આપવામાં આવેલ માહિતી અનુસાર તાપી જિલ્લાના ડોલવણના ગડત ગામની સીમમાંથી પસાર થતા ને.હા.૫૬ રોડની બાજુમાં આવેલ કિરણભાઇ ચીમનભાઇ ગામીતનાઓના શ્રીજી જનરલ સ્ટોર પાસેથી આશરે ત્રણ દિવસનું નવજાત બાળક(છોકરો) મળી આવ્યું છે.જેના વાલી વારસાની શોધ ખોળ કરવામાં આવી રહી છે (દત્તક માટે નહિ). જેના માટે ડોલવણ પોલિસ સ્ટેશન, તથા વિજયભાઇ રાઠોડ મો.૯૭૨૬૦૦૬૩૨૭ અને હિરેન ચૌધરી મો.૮૯૮૦૦૭૮૦૮૦ પર સંપર્ક કરી જાણ કરવા તેમજ બ્લોક નં-૫ પહેલો માળ,જિલ્લા સેવા સદન પાનવાડી વ્યારા-તાપીની કચેરીએ જાણ કરવા જિલ્લા બાળ સુરક્ષા અધિકારીની અખબારી યાદીમા જણાવાયું છે.