‘મેરી માટી-મેરા દેશ’ કાર્યક્રમના બીજા ચરણમાં ડાંગ જિલ્લાની ગ્રામ પંચાયતોમા ‘કળશ યાત્રા’નું આયોજન કરવામા આવી રહ્યુ છે. જેમા તા.૧૮/૦૯/૨૦૨૩ના રોજ લિંગા ગ્રામ પંચાયતમા 'કળશ યાત્રા' યોજાઇ હતી. આ કાર્યક્રમ અંતર્ગત લિંગા ગ્રામ પંચાયતના ગામડાઓના વિવિધ ઘરોમાંથી માટી એકત્ર કરવામા આવી હતી. તેમજ લોકોમા ‘મેરી માટી-મેરા દેશ’ કાર્યક્રમની જાગૃતિના ભાગરૂપે રેલી આયોજિત કરવામા આવી હતી. આ ક્રાર્યક્રમમા માજી સરપંચ, ઉપસરપંચ, પ્રા.શાળાના મુખ્ય શિક્ષક, તલાટી-કમ-મંત્રી, આરોગ્ય વિભાગના સ્ટાફ, તેમજ ગ્રામ પંચાયતના અને ગામના તમામ આગેવાનો મોટી સંખ્યામા જોડાયા હતા.