મનિષા એસ. સુર્યવંશી/તાપી : ઉકાઈનાં 3-A/5 સેક્ટર-1 પરમેડન્ટ કોલોની ખાતે રહેતા દેવેન્દ્રભાઈ બળદેવભાઈ પટેલ (ઉ.વ.42., મૂળ રહે.પાંચોટ ગામ, બસ સ્ટેશનની સામે, તા-જિ.મહેસાણા) નાંઓએ તારીખ 02/12/2023નાં રોજ ઉકાઈ પોલીસ મથકે ફરિયાદ આપતા જણાવ્યું હતું કે, ગત તારીખ 27/11/2023નાં સવારનાં 7 કલાકથી સાંજનાં 6 વાગ્યાના સમય દરમિયાન તેમનો નાનો ભાઈ જીગ્નેશભાઈ બળદેવભાઈ પટેલ ગુમ થયા હતા, જયારે તેમનો નાનો ભાઈ જીગ્નેશ સ્કિચોફેનીયા નામની માનસિક બીમારીથી પીડિત હતા. વધુમાં દેવેન્દ્રભાઈએ જણાવ્યું હતું કે, જીગ્નેશભાઈ રંગે શ્યામ વર્ણનો છે જેની ઊંચાઈ આશરે 5 ફૂટ 5 ઈંચ છે તેમજ ગુજરાતી ભાષા બોલે છે તથા જાણે છે અને શરીરે આસમાની કલરનું લાંબી બાયનું શર્ટ તથા તેની ઉપર કાળા કલરનું જેકેટ પહેરેલ અને કમરે વાદળી કલરનું પેન્ટ પહેરેલ તથા પગમાં ચંપલ પહેરેલ છે.