વડોદરાના મકરપુરા રોડ પારસમણી સોસાયટીમાં રહેતા દિલીપભાઈ નરભેરામ બગડીયા જીઆઇડીસીમાં ઇલેક્ટ્રિક ટ્રાન્સફોર્મરનો ધંધો કરે છે. તેમના ત્રણેય સંતાનો અમેરિકા ખાતે રહે છે. તેમની મોટી દીકરી તારીખ 7 જુલાઈએ અમેરિકાથી વડોદરા ખાતે આવી હતી તેઓને 19મી તારીખે પરત અમેરિકા જવાનું હોવાથી દિલીપભાઈ તેઓને મુંબઈ ખાતે મુકવા માટે ગયા હતા. તે દરમિયાન તેમના મકાનના દરવાજાના તાળા તોડીને ચોર ટોળકી સોના-ચાંદીના દાગીના તથા રોકડા 80000 મળી કુલ 6.80 લાખની મતા ચોરી ગઈ હતી.