દિલ્હીથી ચેન્નઈ જતી ઈન્ડિગોની ફ્લાઈટ 6E 2789 ના એન્જિનમાં ખામી સર્જાતા દિલ્હી એરપોર્ટ પર ફરી  ઈમરજન્સી લેન્ડિંગ કરવાની ફરજ પડી હતી. ઈન્ડિગોના એરબસ A321neo વિમાને 10 જૂનની રાત્રે 9:46 વાગ્યે દિલ્હી એરપોર્ટ પરથી  ઉડાન ભરી હતી. તેના લગભગ એક કલાક સુધી ઉડાન ભર્યા પછી એન્જિનમાં ખામી સર્જાતા તેને પાછા ફરવું પડ્યું. 

આ ફ્લાઈટમાં 233 થી વધુ લોકો હાજર હતા. એન્જિનમાં ખામી જણાતા પાઈલટની સમય-સૂચકતાની મદદથી  દિલ્હી એરપોર્ટ પર ઇમરજન્સી લેન્ડિંગ  કરાવાયું હતું. વિમાનમાં કુલ 231 મુસાફરો અને 2 ક્રૂ મેમ્બર સવાર હતા. આ ઘટના ચાલુ ઉડાન દરમિયાન બની હતી, જેના કારણે વિમાનમાં સવાર તમામ મુસાફરોની સલામતી સુનિશ્ચિત કરીને સુરક્ષિત રીતે ઈમરજન્સી લેન્ડિંગનો નિર્ણય લેવામાં આવ્યો હતો.