ભાવનગરનાં મહુવા તાલુકાના મોટા ખુંટવડા અને ઉગલવાણ ગામે પોલીસે દરોડા પાડી ૧૨ જુગારીઓને જુગાર રમતા ઝડપી લઈ રોકડ, જુગારના સાહિત્ય સાથે ઝડપી લીધા હતા. પ્રથમ બનાવની મળતી વિગત મુજબ મહુવાના ઉગલવાણ ગામે બીલા જવાના રસ્તે સ્ટ્રીટલાઈટના અજવાળે તીનપત્તીનો જુગાર રમી રહેલા સાગર પરશોત્તમભાઈ ચાવડા, રાજુ ગોબરભાઈ ચાવડા, સંજય જીલુભાઈ મકવાણા, જગદીશ નારણભાઈ ચાવડા અને ભાવેશ નારણભાઈ ચાવડા નામના પાંચ શખ્સને મોટા ખુંટવડા પોલીસે ઝડપી લઈ રોકડ, ગંજીપાના સહિતનો મુદ્દામાલ કબજે કર્યો હતો.

બીજા બનાવમાં મહુવાના મોટા ખુંટવડા ગામે ઉગલવાણ ચોકડી પાસે જેસર રોડ પર સ્ટ્રીટલાઈટના અજવાળે તીનપત્તીનો જુગાર રમતા વલ્લભ મગનભાઈ હડિયા, દિલીપ વલ્લભભાઈ હડિયા, ગોપાલ મંસારામભાઈ ગોંડલિયા, મગન આણંદભાઈ જીંજાળા, લાલા બાઘાભાઈ કાછડ, મંસારામ આત્મારામ ગોંડલિયા અને ઘનશ્યામ મનુભાઈ ધાનકવાડિયા નામના સાત જુગારીને મોટા ખુંટવડા પોલીસે રોકડ, ગંજીપાના સાથે ઝડપી લઈ કાયદેસરની કાર્યવાહી હાથ ધરી હતી.