ધરમપુરનાં કરંજવેરી ગામે ઘરની બાજુમાં પજારીમાં બાંધેલી બકરીનું એક દીપડાએ મારણ કરતા ગ્રામજનોમાં ભયનો માહોલ છવાયો છે. વન વિભાગને જાણ થતાં પાંજરું ગોઠવવાની તજવીજ હાથ ધરી હતી. સુત્રો પાસેથી મળતી માહિતી મુજબ, કરંજવેરી ગામના હેટી ફળિયામાં રહેતા દીપકભાઈ શંકરભાઈ ભોયા ગત તારીખ તા.16/07/2024એ રાત્રે જમી-પરવારીને સૂઈ ગયા હતા. મોડી રાત્રી દરમિયાન ઘરને અડીને આવેલી પેજારીમાં બાંધેલી એક બકરીને દીપડાએ ફાડી ખાધા બાદ અન્ય બકરાને ઈજા પહોંચાડી હતી. ઘટનાની જાણ ગામનાં સરપંચ સહિતના આગેવાનો અને વન વિભાગના ફોરેસ્ટર સ્થળ પર પહોચ્યાં હતા.