ધરમપુરનાં બારોલીયા મધળદેવી ફળીયાનાં 60 વર્ષીય રતિલાલ રૂપાભાઈ ચૌધરી નાઓ સાંજે બાઇક લઈ તીસ્કરી ગામે કરીયાણાનો સામાન લેવા ગયા હતા. તે દરમિયાન રાત્રે 9 વાગ્યે તીસ્કરી તલાટ ચાર રસ્તાથી આગળ નાસિક રોડ પર ઉભેલી વાનમાં તેમની બાઇક અથડાવી દેતા માથામાં ગંભીર ઇજા થતાં તેમને 108માં ધરમપુર સ્ટેટ હોસ્પિટલ બાદ વધુ સારવાર માટે વલસાડ સિવિલમાં લઈ જવાયા હતા. જ્યાં તેમનું સારવાર દરમિયાન મોત થયું હતું. ઘટના અંગે મૃતકનાં પુત્ર વિશાલભાઈ રતિલાલભાઈ ચૌધરીએ ધરમપુર પોલીસ મથકે ફરિયાદ આપી હતી.