મોરબી વાંકાનેર હાઈવે પર બાઈકમાં દંપતી જતું હતું ત્યારે બાઈકને રીક્ષા ચાલકે ટક્કર મારતા જેમાં બાઈકમાં પાછળ બેસેલ પત્નીને માથામાં ગંભીર ઈજા પહોંચતા સારવાર દરમિયાન મોત થયું હતું. મુળ તાલુકાના વગડીયાના રહેવાસી રોહિતભાઈ બાબુભાઈ ઓગણીયાએ બાઇક પર પોતાની પત્ની સાથે મોરબી વાંકાનેર હાઈવે પર પંજાબ બેંક સામેથી જતા હતા ત્યારે સીએનજી ઓટો રીક્ષાના ચાલકે કાવો મારી બાઈકને અડફેટે લીધું હતું. અકસ્માતમાં પાછળ બેસેલ પત્ની કાજલબેનના પગ રીક્ષા સાથે ભટકતા બાઈક પરથી પડી ગયા હતા અને માથામાં ગંભીર ઈજા પહોંચી હતી. રીક્ષા ચાલક પોતાનું વાહન લઈને નાસી ગયો હતો. ગંભીર ઈજાગ્રસ્ત કાજલબેનને હોસ્પિટલ ખસેડાયા હતા. જ્યાં સારવાર દરમિયાન મોત થયું હતું. સીટી બી ડિવિઝન પોલીસે રિક્ષા ચાલક વિરુદ્ધ ફરિયાદ નોંધી તપાસ હાથ ધરી હતી.