વ્યારા નગરમાં ફાયર સેફટી મુદ્દે બેદરકારી ધરાવનાર કોમ્પ્લેક્ષો, મોલ વિગેરેની ચકાસણી શરૂ થતાં ફાયર વિભાગ દ્વારા ફાયર સેફટી વિનાના અંજલિ ચેમ્બર્સ કોમ્પલેક્ષ તેમજ છોટાલાલ ટાવરની દુકાનોને સીલ કરી હતી. વ્યારા નગરમાં ફાયર સેફટીનાં અભાવવાળાં સ્થળોએ આવેલ દુકાનો સીલ કરવાની કામગીરીનો પ્રારંભ ફાયર વિભાગ દ્વારા શરૂ કરવામાં આવ્યો છે. આગ જેવી આકસ્મિક દુર્ઘટનાને પહોંચી વળવા કોમ્પ્લેક્ષો, મોલ કે દુકાનોમાં ફાયર સેફટીના સાધનોની આવશ્યકતા હોય છે, પરંતુ જે સુવિધા ન ધરાવતા સ્થળોની ચકાસણી હાલમાં ફાયર વિભાગે શરૂ કરી છે. જયારે અંજલિ ચેમ્બર્સ કોમ્પ્લેક્ષ અને છોટાલાલ ટાવર સહિતની દુકાનોને સીલ કરવામાં આવી હતી. ફાયર વિભાગ દ્વારા ત્રણ વખત નોટીશ આપ્યા બાદ કાર્યવાહી કરાઈ હોવાનું જણાવ્યું હતું. ફાયર સેફટીના સાધનોની સુવિધા ન ધરાવનાર દુકાનદારોમાં વ્યારા નગરમાં ફડફડાટ વ્યાપી ગયો હતો.