વ્યારાના પાનવાડીમાં આવેલ જિલ્લા સેવા સદનની સામે રોડ ઉપર ટ્રક અડફેટે બાઈક સવાર ૨ લોકોને શરીરે ગંભીર ઈજાઓ પહોંચી હોવાની ફરિયાદ વ્યારા પોલીસ મથકે નોંધાવા પામી છે.

મળતી માહિતી મુજબ વ્યારાના પાનવાડીમાં આવેલ જિલ્લા સેવા સદનની સામેથી પસાર થતો માર્ગ ઉપર તા.૦૮/૦૪/૨૦૨૩ નારોજ પુરઝડપે દોડતા ટ્રક નંબર જીજે/૦૫/વિ/૯૩૭૭ના ચાલકે પોતાની કબજાની ટ્રક ગફલતભરી હંકારી લઇ આવી બાઈક નંબર જીજે/૨૬/એચ/૯૮૭૧ને પાછળથી ટક્કર મારતા શૈલેશભાઇ રમણભાઇ જાદવને ડાબા પગે નળાના ભાગે ગંભીર ઈજા પહોંચી હતી જયારે કરણભાઇ મગનભાઇ જાદવને ઓછી વધતી ઇજા પહોંચી હતી, અકસ્માત થતા જ ટ્રક સ્થળ ઉપર મુકી ટ્રક ચાલક નાશી છુટ્યો હતો.

બનાવ અંગે વ્યારા પોલીસે ફરિયાદના આધારે ટ્રક ચાલક સામે ગુનો નોંધી કાયદેસરની કાર્યવાહી હાથ ધરી હતી.