નિઝરના રાયગઢ ગામનો યુવક પોતે પરણિત અને બે બાળકોના પિતા હોવાછતાં ઉચ્છલની એક યુવતીને પ્રેમજાળમાં ફસાવી દુષ્કર્મ આચર્યા બાદ ઇન્સ્ટાગ્રામ પર ફેક એકાઉંન્ટ બનાવી અંગત પળના ફોટા અપલોડ કરતા મામલો પોલીસ મથકે પહોંચ્યો છે,જોકે પોલીસે ભોગ બનનાર યુવતીની ફરિયાદના આધારે રાયગઢના પરણિત યુવક સામે ફરિયાદ નોંધી છે.

મળતી માહિતી મુજબ નિઝર તાલુકાના રાયગઢગામના કોટડા ફળીયુંમાં રહેતો આરોપી અનિલભાઇ અર્જુનભાઇ વળવીએ ઉચ્છલની યુવતીનો મોબાઇલ નંબર ક્યાંકથી મેળવી લઈ પોતાનું કરણ નામ હોવાનું જણાવી સને-૨૦૨૧થી તા.૨૨/૦૧/૨૦૨૩ ના સમય ગાળા દરમ્યાન ઉચ્છલની યુવતી સાથે પ્રેમ સબંધ રાખ્યો હતો.

આરોપી અનિલભાઇ વળવી પોતે અપરણીત હોવાનું યુવતીને જણાવી તેની મરજી વિરુધ્ધ અવાર-નવાર શરીર સબંધ બાંધ્યો હતો, જોકે આરોપીએ સાથેના અંગત પળના ફોટા ગ્રામ સોસીયલ મીડીયા ઇન્સ્ટાગ્રામ પર ભોગ બનનાર યુવતીના નામનું ફેક એકાઉંન્ટ બનાવી અપલોડ કરતા પંથકમાં ચકચાર મચી જવા પામી છે.

બનાવ અંગે ભોગ બનનાર યુવતીએ પોલીસ મથકે ફરિયાદ નોંધાવતા ઉચ્છલ પોલીસે અનિલભાઇ અર્જુનભાઇ વળવી વિરુદ્ધ તા.૧૮/૦૪/૨૦૨૩ નારોજ ઇ.પી.કો. કલમ-૩૭૬(૨)એન,તથા ધી ઇન્ફોમેશન ટેકનોલોજી એક્ટની કલમ-૬૬(સી),૬૬(ડી),૬૭મુજબ ગુનો નોંધી કાયદેસરની કાર્યવાહી હાથ ધરી હતી.