કોરોના મહામારી (કોવિડ-૧૯)ના સંક્રમણને રોકવા માટે સરકારશ્રીની સુચનાઓનું નવસારી જિલ્લામાં ચુસ્તપણે પાલન થાય તે માટે જિલ્લા વહીવટીતંત્ર દ્વારા ગંભીરતાથી વિવિધ કામગીરી કરવામાં આવી રહી છે. જે અનુસંધાને જિલ્લામાં અત્યાર સુધી કોરોના મહામારીના શંકાસ્પદ વ્યક્તિઓના ૩૭૭૦૦ જેટલા સેમ્પલ લેવામાં આવ્યા છે. જિલ્લામાં ૯મી સપ્ટેમ્બરે નવા ૧૧ કેસ નોંધાયાં છે. આજદિન સુધીમાં કુલ ૯૯૮ પોઝીટીવ કેસો નોંધાઈ ચુક્યા છે. જિલ્લામાં કુલ ૮૭ કોવીડ હોસ્પીટલમાં ઍક્ટીવ કેસ છે. કોરોનાથી અત્યાર સુધી ૯૬ ના મૃત્યુ થયા છે. તેમ જિલ્લા પંચાયત આરોગ્ય શાખાની યાદી જણાવે છે.