મુંબઈમાં આજ રાતથી અમલમાં આવે તે રીતે ઓટો મોબાઈલ સીએનજી ગેસના ભાવમાં કિલોદીઠ 4  રૂપિયાનો વધારો  કરવામાં આવ્યો છે. નેચરલ ગેસના પુરવઠાની કિંમતમાં 110 ટકાનો ભારે વધારો  થયો હોવાનું જણાવી મહાનગર ગેસ લી. (એમજીલ)ના શહેરના ડીસ્ટ્રીબ્યુટરોએ ઓટો-સીએનજીના ભાવમાં  કિલોદીઠ 4 રૂપિયાનો વધારો કર્યો છે. જોકે, રસોઈના ગેસમાં કોઈ વધારો થયો નથી. ગત તા.6 એપ્રિલથી માંડી અત્યાર સુધીમાં સીએનજીના ભાવોમાં ત્રીજીવાર વધારો નોંધાયો છે.

એમજીએલ અનુસાર આજ રાતથી અમલમાં આવે તે  રીતે મુંબઈમાં સીએનજીનો ભાવ હવે કિલોદીઠ 76 રૂપિયા જેટલો રહેશે. જોકે ગત તા.1 થી 5 એપ્રિલ દરમિયાન રાજય સરકારે વેટના દરો 13.5 ટકાથી ઘટાડી 3 ટકા કરતા ભાવમાં ઘટાડો થયો હતો પણ ત્યારબાદ અત્યાર સુધીમાં સીએનજીના ભાવમાં કિલોદીઠ 16 રૂપિયાનો વધારો થયો છે.