ડોલવણ તાલુકામાં  ખેડૂતો દ્વારા કરવામાં આવેલ ડાંગરના તરુની રોપણી કરી હતી,જે ભારે વરસાદ ના કારણે ધોવાણ પામેલ છે.ડોલવણના રાયગડ,ટાંકીઆંબા, પીઠાદરા, અંતાપુર,પંચોલ,અંધારવાડીદુર,ઉમરવાવદુર,પલાસીયા,બેસનીયા,આમણીયા સહિતના વિસ્તારોમાં ખેડૂતોએ હાલાકી ભોગવવાનો વારો આવ્યો છે.

ખેતરો વરસાદ ના કારણે જળાશયોમાં ફેરવાઈ ગયા છે અને  ડાંગર તેમજ અન્ય પાકોને ભારે નુકશાન પહોચ્યું છે.સતત પડી રહેલા વરસાદને કારણે તાલુકાના અને ગામોમાં પાણી ભરાઈ ગયું છે. જેના કારણે જનજીવન પણ પ્રભાવિત થઈ રહ્યું છે.ભારે વરસાદ પડવાના કારણે લીલો દુષ્કાળ પડવાની શક્યતા જોવા મળી રહી છે.