ડાંગ જિલ્લા મહિલા અને બાળ વિકાસ યોજના કચેરી (ICDS), અને જિલ્લા દહેજ પ્રતિબંધક સહ રક્ષણ અધિકારીના માર્ગદર્શન હેઠળ, તથા ભારતીય ઉધમિતા વિકાસ સંસ્થાનના (EDII) ઉપક્રમે તા.૨૫/૮/૨૦૨૩ના રોજ આહવા તાલુકાના જામલાપાડા ખાતે મહિલા જાગૃતિ કાર્યક્રમનુ આયોજન કરવામાં આવ્યુ હતુ. આ કાર્યક્રમમાં મહિલા અને બાળ વિકાસ યોજનાની કચેરીના DHEW ના જિલ્લા કો-ઓર્ડીનેટર, અને જેન્ડર સ્પેસ્યાલીસ્ટ દ્વારા મહિલાલક્ષી યોજનાઓ જેવી કે, વ્હાલી દિકરી યોજના, ગંગા સ્વરુપા આર્થીક સહાય યોજના, ગંગા સ્વરુપા પુન:લગ્ન આર્થિક સહાય યોજના, મહિલા સ્વાવલંબન યોજના, PSBC (પોલીસ સ્ટેસન બેઇઝ્ડ સપોર્ટ સેન્ટર)ની માહિતી આપવામાં આવી હતી.

૧૮૧-અભયમ ટીમના કાઉન્સેલર અને સખી વન સ્ટોપ સેન્ટરના કેદ્ર સંચાલક દ્વારા સેન્ટરની સેવાઓ વિશે માહિતી આપવામાં આવી હતી. પ્રોજેક્ટ ઓફિસર ભારતિય ઉધમિતા વિકાસ સંસ્થાન દ્વારા ગામના સ્વ-સહાય જુથના બહેનોને, ખેત પેદાશ આધારીત ઉધોગને અનુરૂપ માર્ગદર્શન પુરુ પાડવામાં આવ્યુ હતુ. આ સંસ્થા દ્વારા બહેનોને તાલીમ પણ આપવામાં આવી રહી છે. તાલીમ દરમ્યાન નાગલી અને વરઇની અલગ અલગ વસ્તુઓ (વાનગીઓ) બનાવવાની તાલીમ આપવામાં આવી હતી.