સોનગઢના ચોરવાડ ગ્રામ પંચાયતના મકાન પાસેથી સળીયાની બે ભારી ચોરાઈ હોવાની ફરિયાદ સોનગઢ પોલીસ મથકે નોંધાઈ છે.

મળતી માહિતી મુજબ સોનગઢ તાલુકાના ચોરવાડ ગ્રામ પંચાયતા મકાનના બાંધકામ માટે લાવી મુકેલ ૧૨ MM ના સળીયાની બે ભારી ૧૨૫ કિલ્લો ગ્રામ કુલ્લે કિ.રૂ.૭,૪૧૫.૨૫/- ના મત્તાની કોઇ અજાણ્યો ચોર ઇસમ ચોરી કરી લઇ ગયો હતો. બનાવ અંગે ઈજારદાર હાર્દિકભાઈ ધનસુખભાઇ ચૌધરી રહે.૧૨૦, નિશાળ ફળીયું, વાસકુઈ ગામ તા.વ્યારા જી.તાપી નાઓની ફરિયાદના આધારે તા.૨૨/૦૩/૨૦૨૩ સોનગઢ પોલીસે અજાણ્યા ચોર ઇસમ ગુનો નોંધી વધુ તપાસ હાથ ધરી છે.