વરસાદના પગલે બેંગ્લોરમાં પાણી પાણી થઈ ગયુ છે અને શહેરના રસ્તાઓ પર પાણી ભરાયા છે. બેંગ્લોર ઈન્ટરનેશનલ એરપોર્ટ પર પણ ઘૂંટણ સમા પાણી ભરાતા યાત્રિકોની હાલત કફોડી બની હતી. એરપોર્ટ બહાર પણ રસ્તા પર ભારે પાણી હતા. મુસાફરોને ફ્લાઈટ છુટી જવાની પણ બીક હતી જેથી યાત્રિકોને એરપોર્ટ લઈ જવા માટે ટ્રેકટરોનો ઉપયોગ કરવાની ફરજ પડી હતી. હવામાન વિભાગનુ કહેવુ છે કે, બંગાળની ખાડીમાં સર્જાયેલી પ્રેશર સિસ્ટમના કારણે કર્ણાટકમાં ભારે વરસાદની સ્થિતિ ઉભી થઈ છે. કર્ણાટક સિવાય કેરાલાના ઘણા શહેરો માટે ઓરેન્જ એલર્ટ જાહેર કરાયો છે.