સુરત જિલ્લાનાં મહુવા તાલુકામાં ભારે વરસાદનાં કારણે ઠેર ઠેર પાણીનો ભરાવો જોવા મળી રહ્યો છે. જોકે મહુવા તાલુકાનાં કુમકોતર ગામમાં નદી વહેતી હોય એવા દ્રશ્ય સામે આવ્યા હતા. ભારે વરસાદને કારણે ગામમાં પાણીનો ભરાવો થયો હતો. ગામમાં કમરડૂબ પાણી ભરાતાં રહીશોની હાલત કફોડી બની હતી. ગામના ઘરોમાં તો ઠીક પરંતુ આરોગ્યને લગતી સેવાઓ પૈકી આયુષ્માન ભારત દવાખાનામાં પણ 3 ફૂટ જેટલા પાણી ભરાયા હતા.

જેથી ફરજ બજાવનારા કર્મચારીઓ પણ નીકળી ગયા હતા તેમજ ગામમાં આવેલી શાળામાં પણ પાણી ભરાયાં હતાં. ગામનાં સ્થાનિકોએ આ અંગે પોતાની આપવીતી જણાવી હતી અને વર્ષ-2011ની સાલમાં આવા દ્રશ્યોનું આજે પુનરાવર્તન થતાં તેમણે જોયું હોય એમ જણાવ્યું હતું.