ક્યારેક ક્યારેક તમે હાઈવે પરથી પસાર થતાં જોયું હશે કે કોઈનું અકસ્માત થઈ જાય તો લોકો ટોળે ટોળા ફરી વળે છે. જોકે અમદાવાદના પ્રસિદ્ધ વિસ્તાર ઈસ્કોનમાં આ રીતે લોકોને ભીડ એકઠી કરવી ભારે પડી. એક દુઃખદ સમાચાર અનુસાર શહેરના ઈસ્કોન બ્રિજ પર ગમખ્વાર અકસ્માતમાં 9 લોકો મૃત્યુ પામ્યાના અહેવાલ મળી રહ્યા છે.

અમદાવાદ શહેરમાં ઇસ્કોન બ્રિજ પર ગમખ્વાર અકસ્માત સર્જાયો છે. જેમાં નવ લોકોના મોત નીપજ્યા છે. આ ઉપરાંત 20 જેટલા લોકો ઘાયલ થયાના સમાચાર મળી રહ્યા છે. આ ગોઝારા અકસ્માતમાં બે પોલીસ કર્મી સહિત નવ લોકોના મોત નીપજતા ચકચાર મચી ગઇ છે. એસયુવી કાર (થાર) અને ડમ્પર વચ્ચે ટક્કર થયા બાદ જેગુઆર કાર પણ ત્યાં અથડાઇ હતી. આ જેગુઆર કાર અને ડમ્પરના અકસ્માતને જોવા ઉભેલા ટોળાને કચડી નાંખ્યા હતા.

મળતી માહિતી પ્રમાણે, જેગુઆર કાર આશરે 160ની પૂરપાટ સ્પીડે આવી હતી. આ સ્પીડે આવતી કારે પહેલો અક્સમાત જોનારા લોકોને કચડી નાંખ્યા હતા. આ લોકો 30 ફૂટ સુધી ફંગોળાયા હતા. આ અકસ્માત બાદ લોકોની ચીચયારોથી આખો વિસ્તાર ગમગીન બની ગયો હતો. આ અકસ્માતના ઇજાગ્રસ્તોને સારવાર માટે સોલા સિવિલ અને સિમ્સ હોસ્પિટલ ખસેડાયા છે. હાલ તેઓની સારવાર ચાલી રહી છે.પોલીસે આપેલી માહિતી પ્રમાણે, પહેલો અકસ્માત બુધવારે રાતે થયો હતો. જે બાદ જેગુઆર કારે અકસ્માત સર્જ્યો હતો.આ અકસ્માતના મૃતકોનાં પરિવારમાં આઘાત સાથે આક્રંદ છવાઇ ગયું છે. આ પરિવારોની એક જ માંગ છે કે, તેમના સ્વજનોનાં મોતને ન્યાય મળે અને એસયુવીમાં જે હતા તેમને સજા મળે.

(1) નિરવ રામાનુજ (ઉંમર- 22 -ચાંદલોડિયા) (2) અમન કચ્છી (ઉંમર 25 - સુરેન્દ્રનગર) (3) કૃણાલ કોડિયા (ઉંમર 23 વર્ષ - બોટાદ) (4) રોનક રાજેશભાઇ વિહલપરા (ઉંમર 23 - બોટાદ) (5) અરમાન અનિલ વઢવાનિયાં - (ઉંમર 21 સુરેન્દ્રનગર) (6) અક્ષર ચાવડા - (ઉંમર 21 બોટાદ) (7) ધર્મેન્દ્રસિંહ -40 વર્ષીય ઉંમર ટ્રાફિક SG2 પોલીસ સ્ટેશન,પોલીસકર્મી (8) નિલેશ ખટિક - ઉંમર 38 વર્ષીય, જીવરાજ પાર્ક હોમગાર્ડ બોડકદેવ પોલીસ સ્ટેશનમાં ફરજ