ભરૂચ જિલ્લામાં પૂરથી ભરૂચ સહીત અંકલેશ્વર, ઝગડીયા, હાસોટ તાલુકાના વિસ્તારમાં અસર પહોંચાડી હતી. જનજીવન ખોરવાતા પશુઓના ઘાસચારા માટે પડતી જરૂરિયાતોને પૂરી કરવા ભરૂચ જિલ્લાના ખેતીવાડી વિભાગના અધિકારી અને નેત્રંગ તાલુકા વિસ્તરણ અધિકારીના માર્ગદર્શન હેઠળ નેત્રંગ તાલુકાના ૯ જેટલા ગ્રામ સેવકોએ વાલિયા અને નેત્રંગ તાલુકાના અલગ-અલગ ૧૫૦થી વધુ ખેડૂતો ભેગા થઈને ખેડૂતો પાસેથી ઘાસચારો ભેગો કર્યો હતો. આ દરમ્યાન ગ્રામસેવકોએ પણ શ્રમદાન કરી ઘાસચારો કાપીને ભેગો કરીને નેત્રંગ અને વાલિયા તાલુકામાંથી વાહન મારફતે ઝઘડિયા તાલુકાના, તરસાલી, કોઠીદરા અને ભાલોદ ગામના પશુપાલકો સુધી પહોંચાડયો હતો. પશુઓ માટે ઘાસચારાની વ્યવસ્થા થતા મુંગા પશુઓ માટે વરદાનરૂપ સાબિત થયું હતું.