વલસાડનાં પારડી તાલુકાના વેલપરવા ગામમાં નવીનગરી ફળિયામાં રહેતી ૨૬ વર્ષીય પિન્કીબેન પટેલે તેમના ઘરની પાછળના વાડામાં ફિનાઈલ પીને આત્મહત્યાનો પ્રયાસ કર્યો હતો. પિન્કીબેનને બે મહિના પહેલા ડેન્ગ્યુ થયો હતો. ત્યારબાદ થાઇ રોઈડની બીમારીથી તેઓ પીડાતા હતા. આ બીમારીઓના કારણે તેઓ માનસિક તણાવમાં હતા. જેથી તેમણે પાણીના ગ્લાસમાં ફિનાઈલ ભેળવીને પી લીધું હતું. ઘટનાની જાણ થતાં તેમને તાત્કાલિક પારડીની મોહનદયાળ હોસ્પિટલમાં દાખલ કરવામાં આવ્યા હતા. હાલ ઈમરજન્સી વોર્ડમાં તેઓ સારવાર હેઠળ છે. પારડી પોલીસે આ અંગે જાણવા જોગ નોંધ કરી વધુ તપાસ હાથ ધરી હતી.