નર્મદા જિલ્લાના ગરુડેશ્વર તાલુકના ઉંડવા થી સમસેરપુરા બ્રિજ તરફની કેનાલના પાણીમાંથી 17 વર્ષીય સગીરનો મૃતદેહ મળતા ચકચાર મચી જવા પામી હતી.

જેમાં પ્રાપ્ત માહિતી મુજબ ગરુડેશ્વર તાલુકાના ગાડકોઇ આંબા ફળીયા માં રહેતા બચુભાઈ ભયજીભાઈ તડવી નો ફરિયાદ અનુસાર તેમની 17 વર્ષીય દીકરી ને કોઈ અજાણ્યા વ્યક્તિ એ ગળાના ભાગે ટુંપો આપી મોત નિપજાવી તેના મૃતદેહ ના માથાના વાળને  તાર સાથે પથ્થર બાંધી કેનાલના પાણીમાં ફેકી દઈ પુરાવાનો નાશ કરી ગુનો ગુનો કરતા ગરુડેશ્વર પોલીસે હત્યાનો ગુનો નોંધી તપાસ હાથ ધરી છે.(ભરત શાહ દ્વારા રાજપીપળા)