વ્યારાનાં તાડકુવા ખાતેની સી.એન. કોઠારી હોમિયોપેથિક મેડિકલ કોલેજ એન્ડ રિસર્ચ સેન્ટરમાં  ગત તારીખ 19/09/2023થી 23/09/2023 દરમિયાન ‘ગણેશ ઉત્સવ-2023’નું આયોજન કર્યું હતું. જોકે સંસ્થાના વિદ્યાર્થીઓ અને સ્ટાફ સભ્યોએ ભગવાન ગણેશની ‘ઇકો-ફ્રેન્ડલી’ મૂર્તિની સ્થાપના કરી હતી. આખા વર્ષના વિદ્યાર્થીઓ અને ફેકલ્ટી સભ્યો દ્વારા ભગવાન ગણેશની દરરોજ સવારે અને સાંજે આરતી કરવામાં આવી હતી.

તેમજ તારીખ 22/09/23નાં રોજ દાતા રમાબેન હર્ષદભાઈ શાહ અને કૌશાંગભાઈ જગદીશચંદ્ર શાહ તથા અન્ય ટ્રસ્ટી સભ્યો સાથે તેમના પરિવારની હાજરીમાં ભગવાન ગણેશને ‘મહા આરતી’ અને ‘56 ભોગ’ની વ્યવસ્થા કરી હતી. ગણેશ ઉત્સવના છેલ્લા દિવસે એટલે કે આજરોજ ‘સત્યનારાયણ કથા’ની વ્યવસ્થા હતી. ત્યારબાદ ડીજે અને ઢોલ સાથે આધ્યાત્મિક વાતાવરણમાં વિસર્જન કરવામાં આવ્યું હતું. આ સમગ્ર કાર્યક્રમનું સંચાલન ગણેશ સમિતિના વિદ્યાર્થીઓ અને પ્રવૃત્તિ સમિતિના વડા ડૉ.સ્વપ્નિલ એસ.ખેંગાર,  ડો.દીક્ષીતા, દક્ષેશ શાહ અને આચાર્ય ડૉ.જ્યોતિ રાવનાં માર્ગદર્શન હેઠળ ટીમ દ્વારા કરવામાં આવ્યું હતું.