ગાંધીનગરના અડાલજના શ્રેયા ગારમેન્ટની બહાર ખુલ્લી જગ્યામાં ચાલતાં જુગારના અડ્ડા ઉપર પોલીસે છાપો મારી ૬ જુગારીઓને ઝડપી પાડી તેમની પાસેથી રૂપિયા ૧ર,૭૯૦/-નો મુદ્દામાલ કબ્જે કરી કાર્યવાહી હાથ ધરવામાં આવી હતી.

સુત્રો પાસેથી મળતી માહિતી અનુસાર, અડાલજ પોલીસની ટીમ પેટ્રોલીંગમાં હતી તે દરમિયાન મળેલ બાતમીના આધારે, શ્રેયા ગારમેન્ટની બહાર ખુલ્લી જગ્યામાં કેટલાક ઈસમો ભેગા મળીને જુગાર રમી રહયા છે જે બાતમીના આધારે પોલીસ સ્થળ ઉપર જઈ છાપો મારી જુગાર રમતાં અડાલજના ઓમ રેસીડેન્સીમાં રહેતાં ભરતભાઈ ચમનભાઈ ચૌધરી, જગદીશભાઈ કાંતિભાઈ નાયી, જીતેન્દ્રભાઈ કાંતિભાઈ પ્રજાપતિ, ઈશ્વરજી હીરાજી ઠાકોર, દિનેશભાઈ ભરતભાઈ પ્રજાપતિ અને દીપકભાઈ રમેશચંદ્ર પરીખને ઝડપી પાડી તેમની પાસેથી રોકડ અને મુદ્દામાલ મળી કુલ રૂપિયા ૧ર,૭૯૦/-નો મુદ્દામાલ કબ્જે કરી પોલીસે આગળની કાર્યવાહી હાથ ધરી હતી.