ગાંધીનગર શહેર તેમજ આસપાસના ગ્રામ્ય વિસ્તારોમાં દેશી વિદેશી દારૂન હેરાફેરી અને વેચાણ અટકાવવા માટે પોલીસ પેટ્રોલીંગમાં હતી. તે સમયે અડાલજ પોલીસની ટીમ પેટ્રોલીંગમાં હતી તે દરમિયાન બાતમી મળી હતી કે, અંબાપુર ગામની સીમના કાચુ છાપરુ આવેલું છે અને ખેતરની વાડના કિનારે અડાલજ ગામમાં મહાદેવવાસમાં રહેતા સંજય ઉર્ફે ભાણો ગફુરજી ઠાકોરે વિદેશી દારૂનો જથ્થો સંતાડયો છે. જે બાતમીના પગલે પોલીસની ટીમે સ્થળ પર રેડ કરતા આ ખેતરમાં પહોંચી હતી અને ખેતરના કિનારે પોલીસે વિદેશી દારૂની 6 પેટી તેમજ ખુલ્લી 17 બોટલો મળી કુલ 89 બોટલો મળી આવી હતી. જોકે, દારૂ સંતાડનાર સંજય ઉર્ફે ભાણો પોલીસને મળી આવ્યો ન હતો. પોલીસે તેની સામે પ્રોહી. એકટનો ગુનો દાખલ કરીને 36 હજારનો મુદ્દામાલ કબ્જે કરી કાયદેસરની કાર્યવાહી હાથ ધરી હતી.