ગાંધીનગર શહેર નજીક આવેલા ખોરજ ગામની સીમમાં આવેલી દુકાન અને ત્યાં પાર્ક કરેલી એક કારમાંથી વિદેશી દારૂની 5 હજાર જેટલી બોટલ મળી આવી હતી. આમ, પોલીસે 16.18 લાખની વિદેશી દારૂની જથ્થો ઝડપી પાડી હતી તેમજ 10 લાખની મોંઘી કાર પણ પોલીસે જપ્ત કરીને કાયદેસરની કાર્યવાહી કરી હતી.

બનાવની વિગત એવી છે કે, અડાલજ પોલીસ સ્ટાફનાં માણસો પેટ્રોલીંગમાં હતા. તે દરમિયાન કન્ટેનર યાર્ડ, ખોરજગામની સીમમાં આવેલા ઓટો ઇલેક્ટ્રીક વર્ક્સનાં કમ્પાઉન્ડમાં આવેલી દુકાનમાં દારૂ સંતાડવામાં આવ્યો હોવાની બાતમી પોલીસને મળી હતી.

જે બાતમીનાં આધારે પોલીસ ટીમે ત્યાં તપાસ કરી હતી ત્યારે દુકાન અને ત્યાં પાર્ક કરેલી લક્ઝુરીયસ કાર નંબર GJ/8/AE/5115માંથી ભારતીય બનાવટનો વિદેશી દારૂની નાની-મોટી બોટલનો જથ્થો મળી આવ્યો હતો જે કુલ કુલ 4,884 જેટલી વિદેશી દારૂની બોટલો પોલીસે જપ્ત કરી હતી. આમ, પોલીસે કુલ રૂપિયા 16.18 લાખના દારૂ ઉપરાંત 10 લાખની કાર સહિત કુલ રૂપિયા 26.18 લાખનો મુદ્દામાલ પણ પોલીસે જપ્ત કર્યો હતો. આ સાથે દુકાન અને કારમાં વિદેશી દારૂ રાખનાર શખ્સ વિરૃધ્ધ પ્રોહિબીશન એક્ટ હેઠળ ગુનો નોંધીને તપાસ હાથ ધરી હતી.