ગાંધીનગર શહેરના સાંતેજ પોલીસની ટીમ પેટ્રોલીંગમાં હતી. તે સમય દરમિયાન બાતમી મળી હતી કે, વડસર ગામમાં ભોયણીયો વાસમાં રણજીતજી ઉર્ફે બાડી કાળાજી ઠાકોર પોતાના ઘર પાસે આવેલી ઓરડીમાં વિદેશી દારૃનો જથ્થો રાખીને તેનું વેચાણ કરે છે.

જે બાતમીના આધારે, પોલીસ ટીમે સ્થળ પર દરોડો પાડતાં ઓરડી બહારથી મળી આવેલા મોપેડમાંથી 2 વિદેશી દારૃની બોટલ મળી આવી હતી. જયારે મકાનમાં તપાસ કરતાં વિદેશી દારૃની 66 બોટલો મળી આવી હતી. પોલીસ દારૂ તથા મોપેડ મળી કુલ રૂપિયા 67,500/-નો મુદ્દામાલ કબ્જે કરી અને રણજીતજી ઠાકોરની શોધખોળ શરુ કરતા તેની ધરપકડ કરી, દારૃ કયાંથી લાવ્યો હતો અને કોને-કોને વેચતો હતો તે જાણવા માટેની પોલીસે તપાસ હાથ ધરી હતી.