સુરતના કામરેજ તાલુકાના વલથાણ ગામની પાણીની ટાંકીની બાજુમાં આવેલા ખોડીયાર કોમ્પલેક્ષમાં પહેલા માળના સામેના રૂમમાં ચાલતી જુગાર પ્રવૃતિ પર બાતમીના આધારે પોલીસે રેઇડ કરી હતી. જોકે પોલીસે રૂમ માલિક રાકેશ મંગળભાઈ ઝીંઝાળા સહિત કુલ નવ જુગારીઓને ઝડપી પાડ્યા હતા. જેમાં વિરમ મસરી લુવા, જીત ભાણાભાઈ ઝીંઝાળા, હમીર ભીમસિંહ ભાઈ ડાંગર, ગિરીશ નન્હાભાઈ ઝીંઝાળા, ભીખુ પાંચાભાઈ વાણીયા, કિશોર કાળુભાઇ કલસરીયા, રાજુ કાબાભાઈ સીસારા, વિપુલ રાજુભાઈ આહીર નાઓ હતા. ત્યારબાદ પોલીસે સ્થળ પરથી ચાર બાઈક, 8 નંગ મોબાઇલ, રોકડ રકમ સહિત કુલ 2.56 લાખની કિંમતનો મુદ્દામાલ ઝડપી પાડયો હતો. વલથાણ ગામમાં પોલીસના દરોડાને લઇ જુગારીઓમા ફફડાટ મચી જવા પામ્યો હતો.