વાપીનાં બલીઠા ગામે સ્મશાન ભૂમિ રોડ સાંઈન ઈન્ડસ્ટ્રિયલ પાર્કની પાછળ આવેલ ખુલ્લા મેદાનમાં ગોળ કુંડાળુવાળી તીનપત્તીનો ગંજીપાનાથી પૈસા વડે હારજીતનો જુગાર રમતા ચાર જુગારીઓ કુલ રૂપિયા ૧૦,૩૨૦/-નાં મુદ્દામાલ સાથે ઝડપાઈ ગયા હતા. મળતી માહિતી મુજબ, વાપી ટાઉન પોલીસ નાઈટ પેટ્રોલિંગમાં હતી. તે દરમિયાન ફરતાં ફરતાં વાપી બલીઠા ફાટક પાસે આવતા ખાનગી રાહે બાતમી મળી હતી કે, બલીઠામાં સ્મશાન ભૂમિ રોડ એવર સાઈન ઈન્ડસ્ટ્રિયલ પાર્કની પાછળ ખુલ્લા મેદાનમાં તીનપત્તીનો પૈસાથી હારજીતનો જુગાર રમી રહેલા છે.

જે બાતમીના આધારે સ્થળ પર રેઈડ પાડતા સુમિત વિપિન અગ્નિહોત્રી (રહે.બલીઠા ગામ, વાપી) અને અમજદ સૈનુદ્દીન ખાન (રહે.વાપી ટાઉન) તથા પરવેઝ આલમ ખાન (રહે.બલીઠા, વાપી) તેમજ મોહમદ રમઝાન મૈયનુદ્દીન શાહ (રહે. સલવાવ, વાપી) ગોળ કુંડાળુ કરી તીનપત્તીનો ગંજી પાનાથી પૈસાથી હારજીતનો ગેરકાયદેસર જુગાર રમતા દાવ પર મૂકેલા રોકડા રૂપિયા સાથે ઝડપાઈ ગયા હતા. તેમની અંગઝડતી લેતા રોકડા રૂપિયા ૯,૯૩૦/- મળી આવતા કુલ રૂપિયા ૧૦,૩૨૦/-નો મુદ્દામાલ કબ્જે કરી કાયદેસરની કાર્યવાહી હાથ ધરી હતી.