મનિષા એસ. સુર્યવંશી/તાપી : સોનગઢનાં બાપાસીતારામ નગરમાં ખુલ્લી જગ્યામાં જાહેરમાં નીચે બેસી ગંજીપાના વડે હાર જીતનો જુગાર રમાડનાર ચાર જુગારીઓને ઝડપી પાડી કાયદેસરની કાર્યવાહી હાથ ધરી હતી.

મળતી માહિતી મુજબ, સોનગઢ પોલીસ સ્ટાફના માણસો તારીખ 13/01/2024નાં રોજ બપોરનાં સમયે ખાનગી વાહનમાં બેસી પેટ્રોલીગમાં હતા તે દરમિયાન ખાનગી રાહે બાતમી મળી હતી કે, બાપાસીતારામ નગરમાં આવેલ સાંઈબાબા મંદિરનાં ઓટલા ઉપર ખુલ્લી જગ્યામાં જાહેરમાં નીચે બેસી ગંજીપાના વડે હાર જીતનો જુગાર રમી રમાડે છે.જે બાતમીનાં આધારે પોલીસ સ્ટાફનાં માણસો બાતમીવાળી જગ્યાએ પહોંચતા ત્યાં ગોળ કુંડાળું કરી જુગાર રમતા ચાર જુગારીઓને ઝડપી પાડી સ્થળ ઉપરથી ગંજી પાના તથા દાવ ઉપરના રોકડ રૂપિયા અને જુગાર રમવા માટેનાં હાથ ઉપર રાખેલ રૂપિયા અને અંગ ઝડતીના રોકડ રૂપિયા મળી કુલ રૂપિયા 45,520/-નાં મુદ્દામાલ ઝડપી પાડ્યો હતો. બનાવ અંગે પોલીસે જુગાર ધારાની કલમ હેઠળ ગુનો નોંધી ઝડપાયેલ તમામ જુગારીઓ વિરુદ્ધ ગુનો નોંધી કાયદેસરની કાર્યવાહી હાથ ધરી હતી.

1.સુનીલગીરી હટુગીરી ગોસ્વામી (રહે.બાપાસીતારામ નગર, ગરમ પાણી પાસે, સોનગઢ)

2.ધારાગીરી હટુગીરી ગોસ્વામી (રહે.બાપાસીતારામ નગર, ગરમ પાણી પાસે, સોનગઢ)

3.વિવેકનંદ સદાનંદ ગોસ્વામી (રહે.બાપાસીતારામ નગર, મંદિર પાસે, સોનગઢ) અને 

4.આકાશગીરી રાજેશગીરી ગોસ્વામી (રહે.બાપાસીતારામ નગર, સાંઈ બાબા મંદિર પાસે, સોનગઢ)