નવસારીનાં ખેરગામ પોલીસ મથકનાં હદ વિસ્તારમાં આવતા ચીખલી તાલુકાનાં ગોડથલ ગામનાં મંદિર ફળિયા ખાતે આવેલા કોતરનાં કિનારે ખુલ્લી જગ્યામાં તીનપત્તીનો હારજીતનો જુગાર રમી રહ્યા હોવાની પોલીસને બાતમી મળી હતી. તેના આધારે પોલીસે છાપો મારતા અર્જુન ગુલાબ નાયકા, ઠાકોર કાળુ ગાયકવાડ, ઝીણા છોટુ ગાયકવાડ અને ગમન બટુક ગાયકવાડ (તમામ રહે.ગોડથલ મંદિર ફળિયા, તા.ચીખલી)ને રંગે હાથે ઝડપી લીધા હતા. આમ, પોલીસે તેમની પાસેથી અંગ ઝડતીનાં ૧૨૧૦ અને દાવ ઉપરના ૧૮૦ મળી કુલ રૂપિયા ૧૩૯૦ રૂપિયાનો મુદ્દામાલ પોલીસે કબ્જે કરી કાયદેસરની કાર્યવાહી હાથ ધરવામાં આવી હતી.