દેશમાં સામાન્ય લોકસભા 2024ની ચૂંટણી તબક્કાવાર યોજાવાની છે ગુજરાતમાં ત્રીજા તબક્કામાં 7 મે’નાં રોજ ચૂંટણી યોજાશે જે માટે ગતરોજ જાહેરનામું પ્રસિદ્ધ થતાં ઉમેદવારી ફોર્મ વિતરણ અને ભરવાની પ્રક્રિયા પણ શરૂ થઈ છે ત્યારે બારડોલી બેઠક માટે ચૂંટણી શાખામાંથી પ્રથમ દિવસે કોંગ્રેસમાં ઉમેદવારી માટે 5 અને અપક્ષમાંથી ઉમેદવારી માટે 1 મળી કુલ 6 ફોર્મ વિતરણ કરવામાં આવ્યા હતા. જોકે એક પણ ફોર્મ પ્રથમ દિવસે ભરાયું નથી. આગામી તારીખ 19 એપ્રિલ સુધી જાહેર રજા સિવાયના દિવસોમાં સવારે 11થી બપોરનાં 3 વાગ્યા દરમિયાન ઉમેદવારી પત્ર મળી શકશે તથા ભરેલા ઉમેદવારી પત્ર રજૂ કરી શકાશે તારીખ 22નાં રોજ બપોરે 3 વાગ્યા સુધીમાં ઉમેદવારી પાસે ખેંચી શકાશે.