વ્યારા તાલુકામાં ખેરની તસ્કરી કરતા લાકડા ચોરોને પકડવા ફોરેસ્ટ વિભાગે બાતમીના આધારે ઓપરેશન હાથ ધરી બાલપુર રાઉન્ડના ધંતુરી બીટમાં વાંદરદેવી ગામે ખેરના લાકડા કટિંગ કરી ટેમ્પોમાં ભરવામાં આવી રહેલો ખેરનો મોટો જથ્થો બાલપુર રાઉન્ડના સ્ટાફે ઝડપી લીધો હતો.

મળતી માહિતી મુજબ ડીસીએફ શ્રીનય્યર સાહેબની સુચના અને આરએફઓ અનીલભાઈ પ્રજાપતિના માર્ગદર્શન હેઠળ બાલપુર રાઉન્ડના સ્ટાફે મોડીરાત્રે વ્યારા તાલુકાના બાલપુર રાઉન્ડના ધંતુરી બીટમાં વાંદરદેવી ગામના સ્મશાન નજીકથી લાખો રૂપિયાનો ગેરકાયદેસર ખેરનો જથ્થો બાતમીના આધારે ઝડપી લીધો હતો.

બાલપુર રાઉન્ડના સ્ટાફે વાંદરદેવી ગામના સ્મશાન નજીકથી લાકડા ચોરો ખેરના લાકડા ટેમ્પોમાં ભરી રહ્યા હતા તે દરમિયાન ફોરેસ્ટ વિભાગે દરોડા પાડી ખેરના અંદાજે ૫૭ લાકડા ઝડપી પાડ્યા હતા. જોકે ફોરેસ્ટના અધિકારીઓને જોઈ લાકડા ચોરો નાશી છુટ્યા હતા. આ બનાવમાં ફોરેસ્ટ વિભાગે સ્થળ પરથી પકડાયેલા ટેમ્પો અને ખેરના લાકડા સહિતનો મુદ્દામાલ કબજે કરી આગળની વધુ તપાસ હાથ ધરી છે.