ભરૂચ સીટી પોલીસ સી.ડીવીઝને રૂા.9 લાખ કરતા વધુનો વિદેશી દારૂ ઝડપી પાડયો હતો. જો કે આ બનાવમાં સામેલ 6 જેટલા આરોપી ફરાર થઈ ગયા હતા.

આ ઘટનાની વિગત જોતા ભરૂચ સીટી પોલીસ સી.ડીવીઝનને એવી બાતમી મળી હતી કે, ધોરીમાર્ગ પર આવેલ બોસ્ટન હોટલની પાછળ દારૂનુ કટીંગ થનાર છે.એએસઆઈ વી.બી.મલહોત્રાએ વોચ ગોઠવી હતી તેવામાં બાતમી મુજબની ટ્રક સાથે એક ફોરવ્હીલ પણ આવી હતી.પોલીસ રેડ કરે તે પહેલા ચાર કરતા 6 જેટલા વિદેશી દારૂની હેરાફેરીના આ બનાવમાં સામેલ એવા આરોપીઓ ફરાર થઈ ગયા હતા.દરમ્યાન ટ્રકમાં લવાયેલ વિદેશી દારૂનુ ચેકીંગ કરતા કુલ વિદેશી દારૂની બોટલ 3713 કિંમત રૂા.9,53,970 અને ટ્રક કિંમત રૂા.10 લાખ મળી કુલ રૂા.19 લાખ કરતા વધુનો મુદ્દામાલ પોલીસે જપ્ત કર્યો હતો તેમજ 6 જેટલા આરોપીઓને વોન્ટેડ જાહેર કર્યા હતા.