માંગરોળ તાલુકાનાં ક્ઠવાડા ગામની સીમમાંથી મોટા પ્રમાણમાં વિદેશી દારૂ મળી આવ્યો હતો, જયારે એક ઇસમને વોન્ટેડ જાહેર કર્યો હતો. મળતી માહિતી મુજબ, કોસંબા પોલીસ મથકનાં માણસો પેટ્રોલિંગમાં હતા. તે દરમિયાન ચોક્કસ ખાનગી રાહે બાતમી મળી હતી કે, માંગરોળ તાલુકાનાં કઠવાડા ગામમાં અવાવરૂ જગ્યામાં ખાડી કિનારે વલસાડ ખાતે રહેતો કિશન મારવાડી પોતાની સ્વિફ્ટ કારમાં દારૂ લાવી સંતાડી રાખેલો છે. જે અંગે રેઈડ કરતા 40 બોક્ષ મળી આવતાં જેમાંથી 1,520 બોટલની મળી આવી હતી જેની કિંમત રૂપિયા 2,67,600/- હતી જોકે આ અંગે કિશન મારવાડીને વોન્ટેડ જાહેર કરી આગળની વધુ તપાસ કોસંબા પોલીસે હાથ ધરી હતી.